२०८२ भाद्र १३ गते शुक्रवार
२०८२ भाद्र १३ गते शुक्रवार
यातायात व्यवस्था विभागले शुक्रबार अर्थात आजबाट सवारी चालक अनुमति पत्र लाइसेन्सको आवेदनमा कोटा सिस्टम हटाएको छ । विभागले विहीबार नै एक सूचना प्रकाशित गरी माघ ९ गतेबाट कोटा सिस्टम हट्ने जानकारी दिएको थियो ।
यसअघि लाइसेन्सको आवेदन दिदा कोटा सिस्टमले गर्दा सेवाग्राहीलाई झन्झट भएको थियो । अब भने कोटो सिस्टम हटेकाले दैनिक जतिले पनि आवेदन दिन सक्नेछन् ।
विभागले यसअघि सर्भरमा आएको समस्यालाई समाधान गरिसकेको छ । सिस्टम सुधार भएकाले अब सेवाग्राहीलाई समस्या नहुने विभागको दाबी रहेको छ ।
यसरी भर्नुहोस् अनलाइन फर्म
ड्राभिङ लाइसेन्सको अनलाइन फर्म भर्न सुरुमा यहाँ क्लिक गर्नुहोस् । त्यसपछि साइट खुल्छ र साइटको दायाँ साइडमा अनलाइन सवारी चालक अनुमति पत्र प्रणाली लेखिएको ठाउँमा क्लिक गर्नुहोस् । यति गरेपछि सबभन्दा माथि अनलाइन ड्राइभिङ लाइसेन्स रजिस्ट्रेसनमा जाने।
नयाँ पेज देखिएपछि क्याटोगोरीमा गई नयाँ लाइसेन्स, लाइसेन्स रिन्यू, वा प्रतिलिपिमध्ये एक विकल्प छानेर तल प्रोसिड लेखिएको ठाउँमा क्लिक गर्ने र व्यक्तिगत विवरण भरेर आफूलाई पायक पर्ने परीक्षा केन्द्र छानेर सबमिट गर्नु पर्नेछ ।
त्यसपछि ‘एप्लिकेन्ट सेभ्ड् सक्सेसफुल्ली’ देखिन्छ । त्यहाँ ओकेमा क्लिक गर्ने। र, अन्त्यमा प्रिन्टमा क्लिक गरेपछि तपाईंको फर्म भरिन्छ ।
© 2025 All right reserved to khabarcnter.com | Site By : Sobij
