Logo

२०७९ आषाढ १३ गते सोमवार

images

२५ अर्बभन्दा बढीको बजेट ल्याउने तयारीमा काठमाडौँ महानगरपालिका

२५ अर्बभन्दा बढीको बजेट ल्याउने तयारीमा काठमाडौँ महानगरपालिका

खबर सेन्टर

९ आषाढ २०७९
  • 456
    SHARES
  • images
    २५ अर्बभन्दा बढीको बजेट ल्याउने तयारीमा काठमाडौँ महानगरपालिका
    images

    काठमाडौँ महानगरपालिकाले आर्थिक वर्ष २०७९/८० का लागि २५ अर्ब रुपैयाँभन्दा बढीको बजेट ल्याउने तयारी गरेको छ। महानगरको चालु आर्थिक वर्षका लागि १८ अर्ब ९५ करोड ७७ लाख १२ हजार रुपैयाँ बराबरको बजेट विनियोजन गरिएको थियो।

    आगामी आवका लागि चालु आवको भन्दा सात अर्बभन्दा बढीको बजेट ल्याउन लागिएको उपप्रमुख सुनिता डंगोलले जानकारी दिइन्। आगामी आवको बजेटमा स्वास्थ्य र शिक्षालाई प्राथमिकता दिइने उनले बताइन्।

    चालु आवमा जस्तै भौतिक पूर्वाधार विकास, फोहरमैला व्यवस्थापन, लैङ्गिक समानता र सामाजिक समावेशीकरण, भाषा, संस्कृति तथा सम्पदा संरक्षण र प्रवर्द्धनजस्ता विषयलाई पनि बजेटमा समेटिएको बताइएको छ।

    चालु आवमा सबैभन्दा बढी भौतिक पूर्वाधारको क्षेत्रमा रु १० अर्ब ८० करोड बजेट विनियोजन गरिएको थियो।

    चालु आवकै बजेटमा कार्यालय सञ्चालन तथा प्रशासनिक क्षेत्रतर्फ तीन अर्ब ७५ करोड ७७ लाख रुपैयाँ, आर्थिक विकास क्षेत्रमा ५५ करोड  रुपैयाँ, सामाजिक विकासमा रु दुई अर्ब ७० करोड, पूर्वाधार विकासमा रु १० अर्ब ८० करोड र सुशासन तथा अन्तरसम्बन्धित क्षेत्रमा रु एक अर्ब १५ करोड विनियोजन गरिएको थियो।

    आगामी वर्षका लागि महानगरले शुक्रबार बजेट ल्याउन तयारी गरेको छ।

     

    images
    प्रकाशित मिति :आषाढ ९ २०७९ बिहिवार - १७:०६:४२ बजे

    खबर सेन्टर

    Admin Of Khabar Center.

    सम्बन्धित समाचार