२०८२ भाद्र १३ गते शुक्रवार
२०८२ भाद्र १३ गते शुक्रवार
काठमाडौं । पूर्व प्रतिबद्द्ता अनुसार भारत सरकारले नेपाललाई कोरोना भाइरसविरुद्ध १० लाख डोज भ्याक्सिन उपलब्ध गराउने भएको छ ।
स्वास्थ्य मन्त्रालय र भारतीय राजदूतावासको संयुक्त प्रेस सम्मेलनमा स्वास्थ्य मन्त्री हृदयेश त्रिपाठीले १० लाख डोज भ्याक्सिन भारतले अनुदान दिन लागेको जानकारी दिए । भ्याक्सिनको पहिलो खोप बिहीवार नै काठमाडौं आउने मन्त्री त्रिपाठीले बताए ।
"फागुनमा आउँछ भनेको थिएँ। अब पहिलो खेप भोलि नै आउँछ। मलाई कारवाही हुँदैन होला नि ? सरकारको निरन्तर प्रयास र भारतको सहयोगमा अनुदानमा नै भ्याक्सिन आउन लागेको हो," मन्त्री त्रिपाठीले भने।
नेपालमा भ्याक्सिन आएपछि पहिलो चरणमा कोभिड १९ विरुद्ध अग्रपङ्क्तिमा रहेकाहरुलाई प्रदान गरिनेछ । भ्याक्सिन वितरण गर्न सरकारले सबै तयारी पूरा गरिसकेको मन्त्री त्रिपाठीले बताए ।
भारतले छिमेकी देशलाई प्राथमिकतामा राखेर भ्याक्सिन उपलब्ध गराएकोमा त्रिपाठीले धन्यवाद दिए । उनले आउने दिनमा समेत भारतबाट कोरोनाविरुद्ध सहयोग हुनेमा आशावादी रहेको बताए ।
© 2025 All right reserved to khabarcnter.com | Site By : Sobij
