२०८२ भाद्र १३ गते शुक्रवार
२०८२ भाद्र १३ गते शुक्रवार
ईटहरी । ईटहरी उपमहानगरपालिका-१६ को लाइन चोकमा म्याजिक भ्यान र मोटरसाइकल एक आपसमा ठोक्किँदा मोटरसाइकल चालकको मृत्यु भएको छ ।
नेपाल प्रहरीले आज एक विज्ञप्तिमार्फत् जनाएअनुसार प्रदेश १-०२-००१ ज ३९३९ नम्बरको म्याजिक भ्यान र बागमती प्रदेश ०२-०२० प ७१२० नम्बरको मोटरसाइकल ठोक्किँदा मोटरसाइकल चालक २८ वर्षीय पर्वतकुमार चौधरीको मृत्यु भएको हो । उनी रामधुनी नगरपालिका-२ का निवासी हुन् ।
दुर्घटनामा गम्भीर घाइते भएका उनको एपेक्स अस्पताल ईटहरी हुँदै न्यूरो अस्पताल विराटनगरमा थप उपचारको क्रममा मृत्यु भएको जनाइएको छ । सो दुर्घटनामा घाइते भएका मोटरसाइकलमा सवार सोही ठाउँको २२ वर्षीय नबिन चौधरीको एपेक्स अस्पतालमा उपचार भइरहेको छ । घटनाका सम्बन्धमा प्रहरीले थप कारवाही अघि बढाउँदै म्याजिक भ्यान चालकलाई नियन्त्रणमा लिएको छ ।
© 2025 All right reserved to khabarcnter.com | Site By : Sobij
