एचआइभी संक्रमित एक किशोरीको मृत्यु

माघ ५, २०७७ सोमवार

6.6K

सप्तरी । सप्तरीको राजविराजमा आइतबार साँझ एचआइभी संक्रमित एक किशोरीको मृत्यु भएको छ ।

राजविराज नगरपालिका–१ चनौराकी १६ वर्षीया किशोरीको स्थानीय गजेन्द्र नारायण सिंह अस्पतालमा उपचारका क्रममा मृत्यु भएको अस्पतालका मेडिकल सुपरिटेन्डेन्ट डा. रञ्जित झाले बताए । एचआइभी एड्सको लक्षण देखिएका किशोरीलाई स्वास्थ्य अवस्था गम्भीर बन्दै गएपछि दुई साताअघि गजेन्द्र नारायण सिंह अस्पतालमा भर्ना गरिएको थियो ।

नौ वर्षअघि एचआइभी संक्रमणबाटै उनका बाबुआमाको मृत्यु भएको थियो । एचआईभी एड्सकै कारणले उनको पनि मृत्यु भएको अस्पतालका मेडिकल सुपरिटेन्डेन्ट डा. झाले बताए । उनका भाइ १२ वर्षीय बालक पनि एचआइभी संक्रमित हुन्। उनले नियमित औषधि खाने गरेको पारिवारिकजनले जनाएका छन् ।

प्रकाशित मिति :माघ ५ २०७७ सोमवार - १०:५०:२४ बजे

प्रतिक्रिया