२०८२ भाद्र २५ गते बुधवार
लोकसेवा आयोगले इन्जिनियरिङ तर्फ उपसचिवको नतिजा सार्वजनिक गरेको छ । चार जना प्राविधिक कर्मचारीलाई उपसचिवमा नियुक्तिका लागि सिफारिस गरेको छ । आयोगको हिजो बसेको बैठकले नेपाल इञ्जिनियरिङ सेवा,सिभिल समूह,स्यानिटरी उपसमूहबाट २ जनालाई उपसचिव तहमा नियुक्तिका लागि सिफारिस गरेको छ ।
नियुक्तिका लागि सिफारिस भएकाहरुमा तादी नुवाकोटका मधुसुदन खनाल र गोरखाका सन्जु लामिछाने रहेका छन्।दुई जना माग गरिएकोमा लिखित परीक्षामा सम्मिलित ५ जनामध्येबाट अन्तर्वार्तामा उत्र्तीण भएका २ जनालाई बढुवा नियुक्तिका लागि सिफारिस भएका हुन ।
यस्तै नेपाल इञ्जिनियरिङ सेवा,सिभिल समूह,हाइवे उपसमूहबाट २ जना नियुक्तिका लागि सिफारिस भएका छन् । अन्तर्वार्तामा छनौंट भएका ४ जनामध्येबाट पर्वतका शम्भुप्रसाद आचार्य र बैतडीका रमेश भट्टराई बढुवा नियुक्तिका लागि सिफारिस गरिएको आयोगले जनाएको छ ।
© 2025 All right reserved to khabarcnter.com | Site By : Sobij
