२०८२ भाद्र ११ गते बुधवार
२०८२ भाद्र ११ गते बुधवार
कञ्चनपुर । अदालतबाट दोषी ठहर भई फरार रहेका दुईजना प्रतिवादीलाई प्रहरीले पक्राउ गरेको छ ।
भीमदत्त नगरपालिका–४ का २५ वर्षीय मोहनसिंह रावत र सोही नगरपालिका–३ का ३८ वर्षीय रमेश दमाईंलाई प्रहरीले बुधबार पक्राउ गरेको हो ।
चोरी मुद्दामा कञ्चनपुर जिल्ला अदालतबाट दोषी ठहर भई एक वर्ष कैद र रु १० हजार जरिवाना फैसला भएका रावतलाई घरमै लुकीछिपी बसेको अवस्थामा पक्राउ गरी अदालतमा पेस गरी कारागार चलान गरिएको जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापा क्षेत्रीले बताए ।
उनका अनुसार लागुऔषध मुद्दामा अदालतबाट एक महिना कैद र रु एक हजार जरिवाना फैसला भएपछि फरार रहेका दमाईंलाई पक्राउ गरी कारागार चलान गरिएको छ ।
© 2025 All right reserved to khabarcnter.com | Site By : Sobij
